الأزمي يهاجم بنموسى: لجنة النموذج التنموي عَيْطاتْ لفايسبوكيين وماعَيْطوش علِي أَنَا لِّي قَطَّعت الصَّبّاط فالإنتخابات !
زنقة 20 | الرباط
انتفض نائب رئيس فريق العدالة و التنمية بمجلس النواب إدريس الأزمي ضد شكيب بنموسى رئيس اللجنة الخاصة بالنموذج التنموي.
و قال الأزمي اليوم الثلاثاء في اجتماع لجنة المالية والتنمية الاقتصادية ، أن البرلمانيين سينتصرون على ما وصفها بـ”الشعبوية” ، منتقداً بشدة استضافة لجنة النموذج التنموي للمؤثرين على شبكات التواصل الإجتماعي.
و أضاف الأزمي : ” مابغاش إتفهم لي هاد المؤثرين لي كيتصنتو ليهوم فاللجان .. واحد كيهبط إقطع الصباط باش إصوت عليه 10 آلاف ولا 90 ألف .. وواحد كالس كيكتب فالفايسبوك تعيطو ليه استامعو ليه و رئيس الجماعة و رئيس الجهة و النائب البرلماني ما عيطوش ليه واش هادي هي المؤسسات”.
هذا و هاجم الأزمي، نشطاء الفايسبوك المغاربة ، دفاعاً عن تعويضات النواب البرلمانيين.
و قال الأزمي بنبرة حادة : ” لم نجتمع اليوم للدفاع عن معاشات البرلمانيين كما يقال و لكننا ندافع عن الفئات و القوات الشعبية و هنا تكلمنا عن الكلاسات و الطيابات و الكسالة وموالين القهاوي و الحمامات”.
و أضاف الأزمي بالقول : ” ضدا على الشعبوية المقيتة و تبخيس المؤسسات المغرب قوي و صامد و شامخ بمؤسساته على رأسها الملك و معه الحكومة و البرلمان وهادو ماشي كيخدمو لله . خاص فنهاية الشهر مايوكلو لولادهوم ..واش دابا البرلمان غيخدم بيليكي .. واش الحكومة فتخدم بيليكي .. واش الولاة و العمال غيخدمو بيليكي .. واش المدراء ورؤساء الأقسام و الموظفين غيخدمو لله … هذه شعبوية”.
الأزمي هاجم نشطاء الفايسبوك الذين شنوا حملة شرسة لإسقاط تقاعد البرلمانيين ، بالقول : ” هذه شعبوية مقيتة و يجب أن نتصدى لهجوم المؤثرين الإجتماعيين .. من الذي صنع لنا هؤلاء المؤثرين الإجتماعيين .. أين الثروة التي أنتجوا بالعكس يضببون المشهد الإقتصادي و الإجتماعي و السياسي في البلاد و عوض يخليو الوضوح و الأحزاب يقومو بالدور ديالهوم تيديرو الدبشخي و يغمقو على الناس و يضللوا و ينشرو الترهات و يخوضون في أعراض الناس .. هادشي خصنا نوضو ليه” يضيف الأزمي.
ذات المتحدث دعا البرلمانيين إلى التصدي لحملات الفايسبوك ضد البرلمان على حد قوله ، مضيفاً بالقول : ” خصنا نوضوا ليهوم واش بغاو نخدمو ليهوم بيليكي”.
و زاد بالقول : ” هذه البلاد قائمة بالمؤسسات ماقايماش بالشعبوية و بالمؤثرون .. يسحاب ليهوم غادي يخلعونا لأني كنشد أجر فالتالي ديال الشهر يجيو عندنا نجلسو معهوم و نشوفو الوضعيات ديالنا المالية السابقة و نحسبو بالدرهم .. واحد كيحسب 14 مليون واحد كيحسب 70 مليون واحد 8 مليون”.