آلاف الشباب المغاربة يردون على بنكيران و العثماني من القنيطرة : فيناهي الخدمة !
زنقة 20 | الرباط
حج أزيد من 3000 شاب و شابة منذ أمس الأربعاء ، إلى الملتقى التعريفي للتوظيف بالمنطقة الصناعية الحرة “أتلانتيك فري زون”، وهو الأمر الذي تسبب في اكتظاظ خانق أمام محطة القطار بمدينة القنيطرة.
صور تناقلها نشطاء على مواقع التواصل الإجتماعي أظهرت الأعداد الغفيرة من الشبان ذكوراً و إناثاً وهم يحجون إلى عين المكان للبحث عن فرص الشغل رغم سوء الأحوال الجوية.
العديد من الشباب العاطلين عن العمل ، استغلوا الفرصة لتوجيه رسالة إلى رئيس الحكومة الحالي و السابق اللذان أطلقا تصريحات مؤخراً حول “وفرة فرص الشغل بالمغرب”.
حيث قال أحدهم : ” فاش كاتشوف راسك شاب فمقتبل العمر بين 20 و 30 و باقي بطالي و ماخدامش فدولة نقدرو نقولو فرص الشغل صعيبة او منعدمة فيها إيلا ماكانش عندك باك صاحبي أو تحط رشوة باش تخدم و حتى من الوظيفة العمومية لي هي حق مشروع للمواطن حرمونا منها و لاحو الشباب للقطاع الخاص و إيلا خدمتي عندك طريق وحدة هي الخدمة ديال الكونطرات و الصالير ضعيف لا يلبي حتى الحاجيات الشخصية و صعيب تبني بيه مستقل”.
و تسائل آخر : ” واش لي كيشد 2000 درهم ولا 3000 حت ل 4000 يقدر يدير بيها الدار و يتزوج و يصرف على واليديه ؟؟ إيلا لقيتي غير باش تصرف على راسك هاداك هو الرباح و إيلا حاولتي دير مشروع خاص كينزلو على مك بالضرائب و TVA حتى دير إفلاس و لا يجروك باش تاخد كريدي من البنكة و ديك الساعة تكون المهمة نجحات و القالب طلع”.
“هاد الصور لي كاتشوفو ديال صباح اليوم من الملتقى ديال الشغل لي داروه فقنيطرة كثر من 5000 شاب هازين CV ديالهم و واقفين فالشتا كيتسناو هادشي واقيلا غير ولاد قنيطرة أما كون جاو درادي من بلايص خرين كان غادي يرتفع العدد أكثر” يقول شخص ثالث.