مهندس سابق بـ”جوميا” يفضح تخفيضات “بلاك فرايداي” ..و أمين رغيب :الشركة نصبت علي
زنقة 20 . الرباط
بدأت تتضح لعموم المغاربة حقيقة تحفيضات “بلاك فرايداي” التي نظمتها شركة “جوميا المغرب” ليلة الخميس-الجمعة بعد أن كشف مهندس المعلوميات المغربي “أمين رغيب” عن تعرضه للنصب و الإحتيال من قبل “جوميا”.
رغيب و عبر فيديو نشره على صفحته في اليوتيوب أنه تعرض لنصب و احتيال من قبل الشركة المذكورة مشيراً إلى أنها ليست مهنية بالبتة.
http://www.youtube.com/watch?v=vAch9NL4Mm0
و أضاف “رغيب” أن له تجربة مريرة و مهينة مع “جوميا” التي استغنت عنه لظروف غير معروفة و مقنعة بعدما اتفقت معه على تسويق خدماتها عبر استغلال صورته تجارياً.
و أوضح “رغيب” أن المسؤولين عن الشركة بالمغرب أخلفوا وعودهم بشكل غير مقبول و غير مهني مضيفاً أنه أنجز العمل المطلوب منه و لم يتوصل رغم ذلك بأي تسبيق مالي ليعتذروا بعد ذلك بدون تقديم أسباب مقنعة.
ذات الخبير المعلوماتي المغربي و بعد فضحه لحقيقة الشركة المذكورة نشر تدوينة على صفحته الفايسبوكية التي يتابعها قرابة المليونين من النشطاء أورد فيها أن مهندساً اشتغل سابقاً في الشركة اتصل به و كشف له المزيد من حقائق الشركة و تحديداً تخفيضات “بلاك فرايداي”.
و كتب “رغيب” يقول : ” من بعد الڤيديو إتصل بي احد المهندسيين السابقين بشركة جوميا ولي ترك العمل ديالو معاهوم هادي شي مدة ماشي كبيرة (مغاديش نجول شحال باش مايعرفوش شكون ) قاليك البلاك فرايداي غير كذوب فكذوب كايديرو 2 منتوجات ولا 3 من كل صنف بثمن 100 درهم وكايشريوه صحابهوم مسبقا وكايوجود لاباج ديال 0 ستوك من قبل والسرڤرات ديالهوم ماكاينينش في المغرب وكايستحملو كثر من 200 مليون زائر وهوما بلعاني كايوقفو داكشي ومنبعد كايحطو ديك لاباج باش إيقولبو الناس .”
و أضاف : ” قاليا اسيدي هوما كايستافدو من ديك الباد بوز يعني هاد التهلال ديالنا هوما كايخليهوم فرحانين حيث هادي هي الإستراتيجية ديالهوم في الإعلان ( there is no bad buzz) يعني نتا دابا لي كاتغوت هوما فرحانين بداكشي . والعام كاملو قاليا كايتسناو غير هاد البلاكفرايداي فين كايضربو الصرف ديال بصح . ”
“يعني هوما دابا راه ناشطين ونتا بارك كاتطرطق في ڭلبك . وهاد الهضرة سيفطها ليا السيد ميساج ڤوكال واكد لي انه مهندس سابق كان شاد واحد السرفيس فني في الموقع جوميا قبل مايخرج منو . دابا هادو كايستاغلو هادشي لي كانديرو في إشهار ليهوم انا كانطالب جمعية حماية المستهلك تدخل في هاد النصب والاحتيال لي واقع وكذلك المغاربة ماتسكتوش ديرو شي إقتراح ولايكيوه باش نتدخلو فهاد المهزلة نهجروه ليهوم حنا ماشي نعاج تركبو علينا المرتزقة للي حطوكوم فهاد البلاد . الشركة اللي كانت هجالة فشي بلاد تجي تحط رجليها هنا حيت لقاو السيبا ماكايناش المراقبة . بارتاجيو الخوت وعملو صحابكوم” يقول “رغيب”.