إدانة رئيس جماعة عين تاوجطات بـ3 سنوات سجناً نافذاً .. وابنه : الله ياخد الحق فالبيجيدي قضاو بيه الغرض وماعقلوش عليه !
زنقة 20 | الرباط
أدانت ابتدائية مكناس، اليوم الخميس، حوسى عزيزي، رئيس جماعة تاوجطات، بالسجن النافذ 3 سنوات ، بعد متابعته بتهم “النصب، وتسلم فائدة، واستغلال النفوذ” ، طبقا للفصلين 540 و243 من القانون الجنائي.
نجله “طارق عزيزي” علق على الحكم بالقول : ” الوالد حكمو عليه بثلاث سنوات… الله ياخذ الحق فاللي كان السبب… و الله ياخذ الحق من قيادات البيجيدي اللي نهار كانت حاجتهم به كانو غاديين جايين لمدينة هامشية… كلهم كلاو و شربوا فالدار بدون استثناء… و نهار قضاو الغرض و دارو بلاصتهم فالإقليم على ضهرو ماعقلوش عليه”.
و زاد بالقول : ” نهار قارنت مع حامي الدين،… ناض بنادم كينقز قالك ماشي بحال بحال!… علاش زعما حامي الدين الملف ديالو سياسي و الوالد لقاوه كيهرب الكوكايين؟؟… إذا كان الوالد متابع بتهمة طلب الرشوة ( الدليل الوحيد هما شهود خدامين فنفس الشركة!) فحامي الدين راه متابع فجريمة قتل!! و لكن من ناحية أخرى بصح، ماعندك ما تقارن… ماعمرهم يكونو بحال بحال… واحد هو الفتى المدلل د بنكيران، و لاخر كان مجرد قنطرة داز عليها عبد الصمد الإدريسي و البوقرعي للبرلمان نهار ما قبلت عليهم حتى دائرة… ماشي بحال بحال حيت واحد فالمركز و واحد فالهامش.”
و ختم كلامه قائلاً : ” واحد عندو مائة محامي و الأمانة العامة متبعة الملف خطوة خطوة… و واحد عينوليه محامي وحيد، ما عمروا حضر شي جلسة و ما عمرهم سولوه أو تسوقوا ليه!… واحد كيدافع عليه وزير و بسبابو ضرب مباشرة فمؤسسة القضاء و شكك فيها،… و لاخر صدرو عليه بلاغ جد محتشم مراعاة لاستقلالية القضاء!… الله ينعل اللي ما يحشم!”.