زنقة 20 | متابعة
أفرج أمس الخميس عن رئيس المجلس الجماعي السابق لعين تاوجطات، حوسى عزيزي، الذي أدين ابتدائياً بثلاث سنوات سجناً نافذاً و تقرر متابعته في حالة سراح مؤقت.
نجله كتب على صفحته الفايسبوكية يقول : “سمحولنا معشر العشاق… و لكن ما يمكنش تفرحوا بوحدكم بهاد نهار… اليوم فرحت، و اكثر منكم!… اليوم غادي يخرج الوالد سراح مؤقت”.
و كانت ابتدائية مكناس، قد أدانت في دجنبر الماضي، حوسى عزيزي، رئيس جماعة تاوجطات، بالسجن النافذ 3 سنوات ، بعد متابعته بتهم “النصب، وتسلم فائدة، واستغلال النفوذ” ، طبقا للفصلين 540 و243 من القانون الجنائي.
و زاد بالقول : ” نهار قارنت مع حامي الدين،… ناض بنادم كينقز قالك ماشي بحال بحال!… علاش زعما حامي الدين الملف ديالو سياسي و الوالد لقاوه كيهرب الكوكايين؟؟… إذا كان الوالد متابع بتهمة طلب الرشوة ( الدليل الوحيد هما شهود خدامين فنفس الشركة!) فحامي الدين راه متابع فجريمة قتل!! و لكن من ناحية أخرى بصح، ماعندك ما تقارن… ماعمرهم يكونو بحال بحال… واحد هو الفتى المدلل د بنكيران، و لاخر كان مجرد قنطرة داز عليها عبد الصمد الإدريسي و البوقرعي للبرلمان نهار ما قبلت عليهم حتى دائرة… ماشي بحال بحال حيت واحد فالمركز و واحد فالهامش.”
و ختم كلامه قائلاً : ” واحد عندو مائة محامي و الأمانة العامة متبعة الملف خطوة خطوة… و واحد عينوليه محامي وحيد، ما عمروا حضر شي جلسة و ما عمرهم سولوه أو تسوقوا ليه!… واحد كيدافع عليه وزير و بسبابو ضرب مباشرة فمؤسسة القضاء و شكك فيها،… و لاخر صدرو عليه بلاغ جد محتشم مراعاة لاستقلالية القضاء!… الله ينعل اللي ما يحشم!”.